विशेष

छत्रपती संभाजीनगरः विद्यापीठ अनुदान आयोगाकडून (यूजीसी) मिळालेला ‘स्वायत्त’ महाविद्यालयाचा दर्जा म्हणजे जणू ‘स्वैराचार’ करण्याचे सरकारी प्रमाणपत्रच आहे, अशी हवा डोक्यात भरवून घेत प्राध्यापक व शिक्षकेतर कर्मचाऱ्यांचा अमानुष छळ करणाऱ्या छत्रपती संभाजीनगरच्या सिडको भागात असलेल्या वसंतराव नाईक महाविद्यालयाच्या व्यवस्थापनाला आज डॉ. बाबासाहेब आंबेडकर मराठवाडा विद्यापीठ प्रशासनाने जोरदार झटका दिला. आज झालेल्या तातडीच्या व्यवस्थापन परिषदेच्या बैठकीत वसंतराव नाईक महाविद्यालयाचा स्वायत्त दर्जा काढून घेण्याचा आणि महाविद्यालयावर प्रशासक नियुक्त करण्याचा प्रस्ताव तातडीने पाठवण्याचा निर्णय घेण्यात आला. त्याच बरोबर महाविद्यालयाचे प्राचार्य डॉ. संजीव रेड्डी यांची मान्यता रद्द करण्याची प्रक्रियाही सुरू करण्यावर शिक्कामोर्तब करण्यात आले आहे. छत्रपती संभाजीनगरातील वसंतराव नाईक शिक्षण प्रसारक मंडळाने कोणत्य...

छत्रपती संभाजीनगरः डॉ. बाबासाहेब आंबेडकर मराठवाडा विद्यापीठाचे सेवानिवृत्त उपकुलसचिव ईश्वरसिंग रायभान मंझा यांनी फसवणुकीच्या मार्गाने नाइकडा जातीचे जातवैधता प्रमाणपत्र मिळवले आहे. आईकडच्या फसव्या नात्यावर विसंबून मिळवलेल्या या जातवैधता प्रमाणपत्राच्या आधारावर विद्यापीठाचे विद्यमान उपकुलसचिव डॉ. गणेश रायभान मंझांसह अन्य मंझा बंधूंनी जातवैधता प्रमाणपत्रे मिळवली आहेत, असे स्पष्ट करत मुंबई उच्च न्यायालयाच्या औरंगाबाद खंडपीठाने रोहित आणि पुष्पक मंझा या दोघांचा जातवैधतेचा दावा फेटाळून लावल्यामुळे अनुसूचित जमातीसाठी आरक्षित जागेवर नियुक्ती मिळवलेले डॉ. गणेश मंझा यांच्यासह अन्य मंझा बंधूंच्या नोकऱ्या आणि ईश्वरसिंग मंझा यांचे निवृत्ती वेतनही धोक्यात आले आहे. व्यावसायिक अभ्यासक्रमांना प्रवेश घेऊ इच्छिणारे रोहित सेनसिंग मंझा आणि पुष्पक संतोष मंझा या चुलत भावांनी अनुसूचित जमाती प्रवर्गातील ‘नाइकडा’...

पुणेः राज्यातील अकृषि सार्वजनिक विद्यापीठांतील प्राध्यापक भरतीसाठी विद्यापीठ अनुदान आयोगाची नियमावली डावलून उच्च व तंत्र शिक्षण विभागाने ११ फेब्रुवारी २०२६ रोजीच्या शासन निर्णयान्वये जारी केलेली ‘कार्यपद्धती’ (एसओपी) वादाच्या भोवऱ्यात सापडल्यामुळे आणि या कार्यपद्धतीला उच्च न्यायालयात आव्हान देण्यात आल्यामुळे आता उच्च व तंत्र शिक्षण विभागाने राज्यातील अशासकीय अनुदानित महाविद्यालयातील प्राध्यापकांची भरती विद्यापीठ अनुदान आयोगाच्या (यूजीसी) २०१८ च्या नियमावलीनुसारच करण्याचा निर्णय घेतला आहे. त्याबाबतचा शासन निर्णय ३१ ऑगस्ट रोजी जारी करण्यात आला आहे. राज्यातील अकृषि सार्वजनिक विद्यापीठांतील प्राध्यापकांच्या रिक्त जागांच्या भरतीसाठी निवड प्रक्रिया राबवण्यासाठी उच्च व तंत्र शिक्षण विभागाने ६ ऑक्टोबर २०२५ रोजीच्या शासन निर्णन्वये कार्यपद्धती विहित केली होती. ही कार्यपद्धती भूमिपुत्रांवर अन्याय...

छत्रपती संभाजीनगरः विद्यापीठ अनुदान आयोगाकडून (यूजीसी) स्वायत्त महाविद्यालयाचा दर्जा मिळताच प्रचलित कायदे व नियम पायदळी तुडवत मनमानी कारभार सुरू केल्यामुळे वादाच्या भोवऱ्यात सापडलेल्या सिडकोतील वसंतराव नाईक महाविद्यालयाच्या व्यवस्थापनाने सुरक्षेच्या नावाखाली महाविद्यालयाच्या मुख्य प्रवेशद्वाराला टाळे ठोकले. महाराष्ट्र नवनिर्माण विद्यार्थी सेनेचे अध्यक्ष अमित ठाकरे यांनी विद्यार्थ्यांचे विविध प्रश्न घेऊन आज प्राचार्यांची भेट घेतली. तेव्हा काही वेळापुरते उघडण्यात आलेले मुख्य प्रवेशद्वार अमित ठाकरे माघारी फिरताच पुन्हा कुलुपबंद करण्यात आले. छत्रपती संभाजीनगरातील वसंतराव नाईक शिक्षण प्रसारक मंडळाने कोणत्याही शिक्षक अथवा शिक्षकेतर कर्मचाऱ्यांना विश्वासात न घेताच वसंतराव नाईक महाविद्यालयाला यूजीसीकडून ‘स्वायत्त महाविद्यालया’चा दर्जा प्राप्त होताच महाविद्यालय व्यवस्थापनाने मनमानी कारभार सुरू क...

पुणेः राज्यात स्पर्धा परीक्षेची तयारी करणाऱ्या पाच हजार विद्यार्थ्यांना मोफत ऑनलाइन कोचिंग उपलब्ध करून देण्याचा निर्णय उच्च व तंत्र शिक्षण विभागाने घेतला असून या मोफत ऑनलाइन कोचिंग उपक्रमाची व्यवहार्यता, रुपरेषा आणि धोरण निश्चितीसाठी उच्च शिक्षण संचालनालयाने सहा सदस्यांची विशेष समिती स्थापन केली आहे. या समितीला अहवाल सादर करण्यासाठी १५ दिवसांची मुदत देण्यात आली असल्याची माहिती उच्च शिक्षण संचालनालयातील सूत्रांनी दिली. प्रधानमंत्री नरेंद्र मोदी यांनी स्वातंत्र्यदिनी दिल्लीच्या लाल किल्ल्यावरून राष्ट्राला संबोधित करताना विविध स्पर्धा परीक्षांची तयारी करणाऱ्या विद्यार्थ्यांना मोफत ऑनलाइन कोचिंगची सुविधा उपलब्ध करून देण्याची घोषणा केली होती. प्रधानमंत्र्यांनी केलेल्या घोषणेच्या पार्श्वभूमीवर उच्च व तंत्र शिक्षण मंत्री चंद्रकांत पाटील यांनी विविध स्पर्धा परीक्षांची तयारी करणाऱ्या राज्यातील प...