राजकारण

छत्रपती संभाजीनगरः मराठवाडा पदवीधर मतदारसंघात झालेल्या अटीतटीच्या लढतीत शुक्रवारी ५८.६७ टक्के मतदारांनी मतदानाचा हक्क बजावला. अजित पवारांच्या राष्ट्रवादी काँग्रेसचे उमेदवार आ. सतीश चव्हाणांसमोर शरद पवारांच्या राष्ट्रवादी काँग्रेसने प्रतापसिंह पाटलांच्या रुपाने तगडा उमेदवार मैदानात उतरवल्यामुळे आ. सतीश चव्हाण यांना यंदाची निवडणूक चांगलीच जड गेली. त्यामुळे सलग तीन टर्म निवडून आलेले आ. चव्हाण विजयाचा चौकार मारणार की तुल्यबळ लढतीत नवा भिडू विधान परिषदेवर निवडून जाणार? याचा फैसला २७ ऑक्टोबरला मतमोजणीच्या दिवशी होणार आहे. . निवडणूक विभागाकडे प्राप्त झालेल्या तात्पुरत्या (Tentative) आकडेवारीनुसार, विभागातील एकूण ३ लाख २६ हजार ७०० नोंदणीकृत मतदारांपैकी १ लाख ९१ हजार ६८९ मतदारांनी मतदानाचा हक्क बजावला असून, ५८.६७ टक्के मतदानाची नोंद झाली आहे. धाराशिव जिल्ह्यात सर्वाधिक ६२.५३ टक्के मतदान झाले. ही...

छत्रपती संभाजीनगरः सलग तीन टर्म मराठवाडा पदवीधर मतदारसंघाचे प्रतिनिधीत्व करून यंदा चौथ्यांदा निवडणुकीच्या रिंगणात उतरलेले राष्ट्रवादी काँग्रेसचे आमदार सतीश चव्हाण यांनी मागील १८ वर्षांत मराठवाड्यातील पदवीधरांसाठी नेमके काय केले?, असा सवाल विरोधकांकडून विचारला जात असतानाच आ. चव्हाण यांच्यासाठी पदवीधर मतदारसंघाची आमदारकी केवळ उत्पन्नाचे साधन असल्याचे त्यांनीच निवडणूक आयोगाकडे दाखल केलेल्या शपथपत्रातून स्पष्ट झाले आहे. त्यामुळे प्रचाराच्या रणधुमाळीत हा मुद्दा उचलून धरत विरोधकांकडून त्यांची कोंडी केली जाण्याची शक्यता आहे. आ. सतीश चव्हाण हे महाराष्ट्र विधान परिषदेच्या औरंगाबाद विभाग (मराठवाडा) पदवीधर मतदारसंघातून २००८ मध्ये पहिल्यांदा निवडून आले. नवा चेहरा म्हणून मराठवाड्यातील पदवीधर मतदारांनी त्यांना भरभरून मते देत विधान परिषदेवर पाठवले. पहिल्यांदा विधान परिषदेवर निवडून गेल्यानंतर त्यांनी म...

मुंबई: भारत निवडणूक आयोगाने महाराष्ट्र विधान परिषदेतील पदवीधर व शिक्षक मतदारसंघातील पाच जागांसाठी द्विवार्षिक निवडणुकीचा कार्यक्रम जाहीर केला आहे. त्यानुसार औरंगाबाद विभाग पदवीधर, पुणे विभाग पदवीधर, नागपूर विभाग पदवीधर, अमरावती विभाग शिक्षक आणि पुणे विभाग शिक्षक या पाच मतदारसंघांसाठी २३ ऑक्टोबर २०२६ रोजी मतदान होणार आहे. विद्यमान सदस्यांचा कार्यकाळ ६ डिसेंबर २०२६ रोजी संपुष्टात येणार आहे. या निवडणुकीसाठी २९ सप्टेंबर रोजी अधिसूचना प्रसिद्ध होईल. उमेदवारी अर्ज दाखल करण्याची अंतिम तारीख ६ ऑक्टोबर, अर्जांची छाणनी ७ ऑक्टोबर, तर उमेदवारी अर्ज मागे घेण्याची अंतिम तारीख ९ ऑक्टोबर आहे. २३ ऑक्टोबर रोजी सकाळी ८ ते सायंकाळी ४ या वेळेत मतदान होईल. २७ ऑक्टोबर रोजी मतमोजणी करण्यात येणार असून निवडणूक प्रक्रिया ३१ ऑक्टोबरपूर्वी पूर्ण केली जाणार आहे. महाराष्ट्रातील या पाच जागांमध्ये औरंगाबाद विभाग पदव...

छत्रपती संभाजीनगर: उपलब्ध कागदोपत्री नोंदी, वंशावळ व संबंधित पुराव्यांची नियमानुसार पडताळणी करून पात्र व्यक्तींना कुणबी जातीचे प्रमाणपत्र देण्याची कार्यवाही सुलभ व पारदर्शकपणे करावी, असे मार्गदर्शन न्यायमूर्ती संदीप शिंदे (निवृत्त) यांनी आज केले. कुणबी, मराठा-कुणबी व कुणबी-मराठा जातीचे प्रमाणपत्र देण्याबाबतच्या कार्यपद्धतीचा आढावा घेण्यासाठी न्यायमूर्ती श्री.शिंदे यांच्या अध्यक्षतेखाली दूरदृष्यप्रणालीद्वारे बैठक झाली. विभागीय आयुक्त कार्यालयातून न्यायमूर्ती शिंदे यांनी बैठकीस मार्गदर्शन केले. यावेळी विभागीय आयुक्त जी. श्रीकांत, सह आयुक्त मंजूषा मिसकर, निवासी उपजिल्हाधिकारी जनार्दन विधाते तसेच विभागातील सर्व जिल्हाधिकारी, उपविभागीय अधिकारी आणि जिल्हा जात प्रमाणपत्र पडताळणी समितीचे अध्यक्ष व सदस्य दूरदृष्यप्रणालीद्वारे उपस्थित होते. बैठकीत उपलब्ध कागदोपत्री नोंदी, वंशावळ पडताळणी, प्...

छत्रपती संभाजीनगर: विद्यापीठ अनुदान आयोगाकडून (यूजीसी) स्वायत्त दर्जा मिळाल्यापासून प्राध्यापकांचे छळसत्र सुरू केल्यामुळे वादाच्या भोवऱ्यात सापडलेल्या वसंतराव नाईक महाविद्यालयाच्या व्यवस्थापनाची मजल आता थेट भारत निवडणूक आयोगाच्या कामकाजातही आडकाठी आणण्यापर्यंत गेली आहे. मतदार याद्यांच्या विशेष सखोल पुनरीक्षणासाठी (एसआयआर) नियुक्त दोन प्राध्यापकांना या कामकाजात सहभागी होण्यास मज्जाव केल्यामुळे निवडणूक आयोगाने महाविद्यालयाचे प्राचार्य डॉ. संजीव रेड्डी यांना कारणे दाखवा नोटीस बजावत कार्यालयात ‘प्रत्यक्ष हजेरी’ लावण्याचे फर्मान सोडले आहे. हा आदेश ते मानतात का नाही? हे पाहणे महत्वाचे ठरणार आहे. भारत निवडणूक आयोगाने महाराष्ट्रासह १६ राज्ये आणि ३ केंद्र शासित प्रदेशात १४ मे २०२६ रोजी मतदार याद्यांच्या विशेष सखोल पुनरीक्षणाचा (एसआयआर) कार्यक्रम जाहीर केला. निवडणूक आयोगाच्या निर्देशांनुसार १४ मे...

छत्रपती संभाजीनगर: लक्षवेधी आंदोलने करून कायम चर्चेत राहणारे छत्रपती संभाजीनगर जिल्ह्याच्या फुलंब्री तालुक्यातील गेवराई पायगा गावचे सरपंच मंगेश साबळे यांना छत्रपती संभाजीनगर पोलिसांनी छत्रपती संभाजीनगर शहर, जिल्हा आणि जालना जिल्ह्यातून दोन वर्षांसाठी तडीपारीची नोटीस बजावली आहे. साबळे यांनी पाच दिवसात चौकशीसाठी हजर राहून बाजू न मांडल्यास त्यांना या दोन जिल्ह्यातून तडीपार केले जाणार हे जवळपास निश्चित आहे. सरपंच मंगेश साबळे यांच्यावर गुंडगिरी, दहशत निर्माण करणे, खंडणी उकळणे, शासकीय कामात अडथळा आणून कामकाज ठप्प करणे असे गंभीर आरोप ठेवण्यात आले आहेत. साबळे यांच्यावर विविध पोलिस ठाण्यात गुन्हेही दाखल आहेत. छत्रपती संभाजीनगर शहर विभागाचे सहायक पोलिस आयुक्त सागर देशमुख यांच्या स्वाक्षरीने महाराष्ट्र पोलिस अधिनियमाच्या कलम ५६ (१) (अ) (ब) नुसार मंगेश साबळे यांना ८ ऑगस्ट रोजी ही नोटीस बजावण्यात आल...