आमदार बच्चू कडू यांना दोन वर्षांची शिक्षा, राजकीय वर्तुळात खळबळ
नाशिकः प्रहार संघटनेचे अध्यक्ष आणि आमदार बच्चू कडू यांना नाशिकच्या जिल्हा सत्र न्यायालयाने दोन वर्षांची शिक्षा सुनावली आहे. २०१७ मध्ये केलेल्या आंदोलनादरम्यान आ. बच्चू कडू यांच्या विरोधात सरकारी कामात अडथळा आणल्याचा गुन्हा नोंदवण्यात आला होता. आ. बच्चू कडू यांना शिक्षा ठोठावण्यात आल्यामुळे राजकीय वर्तुळात खळबळ उडाली आहे.
नाशिक महापालिकेचे तत्कालीन आयुक्त अभिषेक कृष्णा यांच्या फिर्यादीवरून हा एफआयआर नोंदवला गेला होता. नाशिक पोलिसांनी या प्रकरणी तपास करून नाशिकच्या जिल्हा व सत्र न्यायालयात आरोपपत्र दाखल केले होते. त्यावर सुनावणी होऊन आज न्यायालयाने आ. बच्चू कडू यांना दोन वर्षांची शिक्षा सुनावली. दमदाटी करणे, सरकारी कामात अडथळा आणणे या गुन्ह्यात आ. बच्चू कडू यांना ही शिक्षा ठोठावण्यात आली असून त्यामुळे राजकीय वर्तुळात खळबळ उडाली आहे.
२०१७ मध्ये आ. बच्चू कडू यांच्या नेतृत्वात दिव्यांग लो...