दुनिया

छत्रपती संभाजीनगर (औरंगाबाद):  देशात कोणत्या जाती-धर्माचा पक्षकार आहे, हे पाहून न्याय दिला जात असून रामजन्मभूमी देशातील कोट्यवधी हिंदूंच्या श्रद्धेचा विषय असल्याचे सांगत ती हिंदूंच्या हवाली करण्यात आली. परंतु बोधगयेतील महाबोधी महाविहार हा केवळ भारतातीलच नव्हे तर जगभरातील कोट्यवधी बौद्धांच्या श्रद्धेचा आणि आस्थेचा विषय असतानाही रामजन्मभूमीचाच निकष लावून महाविहार बौद्धांच्या हवाली का केले जात नाही?  त्यासाठी पुराव्यांची मागणी केली का केली जाते? असा खडा सवाल अखिल भारतीय बौद्ध महासभेचे राष्ट्रीय कार्याध्यक्ष आणि समता सैनिक दलाचे राष्ट्रीय अध्यक्ष भीमराव आंबेडकर यांनी रविवारी केला. आपल्या प्रेरणादायी धम्मदेसनांद्वारे बोधिसत्व डॉ. बाबासाहेब आंबेडकरांना अभिप्रेत असलेला आदर्श बौद्ध समाज निर्मितीसाठी धम्म प्रचार-प्रसाराच्या कार्याला वाहून घेतलेले भिक्खू करूणानंद थेरो यांचा महाथेरो विधान समारंभ आ...

छत्रपती संभाजीनगर (औरंगाबाद): येथील मसिआ व अन्य औद्योगिक संघटना, संस्थांच्या वतीने छत्रपती संभाजीनगरातील ऑरिक सिटीमध्ये ८ ते ११ जानेवारी २०२६  या कालावधीत ॲडव्हान्टेज महाराष्ट्र एक्स्पो-२०२६ या औद्योगिक प्रदर्शनाचे आयोजन केले जाणार आहे. या प्रदर्शनाची पूर्वतयारी सध्या सुरू असून जिल्हाधिकारी दिलीप स्वामी यांनी आज या प्रदर्शनाच्या पूर्वतयारीचा आढावा घेतला. महाराष्ट्र शासनाचा सुक्ष्म, लघु व मध्यम उद्योग विभाग, ऑरिक सिटी तसेच महाराष्ट्र औद्योगिक विकास महामंडळ यांच्य सहयोगातून आयोजित करण्यात आलेल्या ॲडव्हान्टेज महाएक्स्पो-२०२६ या औद्योगिक प्रदर्शनात देशातील तसेच विदेशातील अनेक उद्योजक आपल्या उत्पादनांचे प्रदर्शन लावणार आहेत. तसेच येथे सामंजस्य करार, चर्चासत्रे आदी होणार आहेत. हे प्रदर्शन ऑरिक सिटीच्या आवारात २७.५ एकर क्षेत्रात भव्य आयोजीत होणार आहे. त्यात १५०० स्टॉल्स लावण्यात येणार ...

नवी दिल्लीः प्रधानमंत्री नरेंद्र मोदी यांनी २२-२३ एप्रिल २०२५ रोजी केलेल्या १२ तासांच्या सौदी अरब दौऱ्यावर भारत सरकारचे तब्बल १५ कोटी ५४ लाख ३ हजार ७९२ रुपये खर्च झाले आहेत. विशेष म्हणजे या एकूण खर्चात हॉटेलचेच बिल १० कोटी २६ लाख ३९ हजार ६५८ रुपये आहे. आरटीआयमधून ही माहिती समोर आली आहे. आरटीआय कार्यकर्ते अजय बासुदेव बोस यांनी हा आरटीआय अर्ज दाखल केला होता. सौदी अरबच्या जेद्दाहमधील भारतीय वाणिज्य दूतावासाकडून प्राप्त झालेल्या या माहितीमुळे प्रधानमंत्र्यांच्या परदेश दौऱ्यावर होणाऱ्या सरकारी खर्चाबाबत गंभीर प्रश्न निर्माण केले आहेत. ‘द वायर’ने दिलेल्या वृत्तानुसार, प्रधानमंत्री नरेंद्र मोदींचा सौदी अरबचा मूळ दौरा दोन दिवसांचा म्हणजे २२ व २३ एप्रिल २०२५ असा होता. परंतु जम्मू-काश्मिरातील पहलगाममध्ये २२ एप्रिल रोजी झालेल्या दहशतवादी हल्ल्यामुळे त्यांना आपला हा दौरा अर्धवट सोडून मायदेशी परत...

मुंबई: कोल्हापुरी चप्पल या महाराष्ट्र व कर्नाटकातील पारंपरिक आणि ऐतिहासिक पादत्राणास जीआय  टॅग प्राप्त आहे. या जीआय टॅगचे अधिकृत नोंदणीकृत स्वामित्व संत रोहिदास लेदर इंडस्ट्रीज अ‍ॅण्ड चर्मकार डेव्हलपमेंट कॉर्पोरेशन लिमिटेड (लिडकॉम) आणि डॉ. बाबू जगजीवनराम लेदर इंडस्ट्रीज डेव्हलपमेंट कॉर्पोरेशन लिमिटेड (लिडकर) या दोन महामंडळाकडेच असल्याचे दोन्ही महामंडळाच्या व्यवस्थापकीय संचालक यांनी स्पष्ट केले आहे. जून २०२५ मध्ये, इटलीच्या प्रसिद्ध 'प्राडा' ब्रँडने पुरुषांसाठी आपले 'स्प्रिंग/समर' कलेक्शन सादर केले. या फॅशन शोमध्ये मॉडेलने परिधान केलेल्या लेदर सँडल्सचे डिझाइन महाराष्ट्रातील पारंपरिक आणि जीआय नोंदणीकृत कोल्हापुरी चप्पलप्रमाणे अत्यंत साम्य दर्शवणारे असल्याचे निदर्शनास आले. या घटनेनंतर सामाज माध्यमांवर व पारंपरिक कारागीर समूहांतून तीव्र प्रतिक्रिया उमटल्या. त्यानंतर वकिलांच्या एका गटान...

नवी दिल्लीः गुजरातमध्ये आयोजित केंद्रीय विद्यापीठांच्या कुलगुरूंच्या परिषदेला गैरहजर राहिल्यामुळे केंद्रीय शिक्षण मंत्रालयाने दिल्लीतील जवाहरलाल नेहरू विद्यापीठ म्हणजेच जेएनयूच्या कुलगुरू डॉ. शांतीश्री धुलीपुडी पंडित यांना नोटीस बजावली आहे. डॉ. पंडित यांची या परिषदेतील अनुपस्थिती गांभीर्याने घेत शिक्षण मंत्रालयाने त्यांना या अनुपस्थितीचे कारण विचारले आहे. विशेष म्हणजे ज्या दिवशी गुजरातमध्ये ही परिषद होती, त्याच दिवशी डॉ. पंडित या तत्कालीन उपराष्ट्रपती जगदीप धनखड यांनी उद्घाटन केलेल्या एका कार्यक्रमात सहभागी होत्या. जेएनयूच्या कुलगुरू डॉ. शांतीश्री धुलीपुडी पंडित या १० व ११ जुलै रोजी गुजरातच्या केवडियामध्ये आयोजित केंद्रीय विद्यापीठांच्या कुलगुरूंच्या दोन दिवसीय परिषदेत सहभागी झाल्या नाहीत. या परिषदेत केंद्रीय शिक्षण मंत्री धर्मेंद्र प्रधान यांच्यासह विद्यापीठ अनुदान आयोगाचे अधिकारी, अन्...

नवी दिल्लीः सन २००९ मध्ये व्हिडीओकॉन उद्योग समूहाला ३०० कोटी रुपयांचे कर्ज मंजूर करण्याच्या बदल्यात तब्बल ६४ कोटी रुपयांची लाच स्वीकारल्याच्या आरोपात आयसीआयसीआय बँकेच्या माजी मुख्याधिकारी चंदा कोचर यांना अपीलीय न्यायाधिकरणाने दोषी ठरवले आहे. आयसीआयसीआय बँकेच्या माजी मुख्याधिकारी चंदा कोचर यांच्या व्हिडीओकॉन समूहाला कर्जाच्या मंजुरीमध्ये दडलेल्या हितसंबंधांना अपीलीय न्यायाधिकरणाने अधोरेखित केले आहे. व्हिडीओकॉन समूहाला कर्ज वितरित केल्यानंतरच्या काही काळातच चंदा कोचर यांचे पती दीपक कोचर यांनी प्रवर्तित केलेली कंपनी न्यू पॉवर रिन्यूएबल्स प्रायव्हेट लिमिटेडच्या बँक खात्यात व्हिडीओकॉन समूहाकडून ६४ कोटी रुपये जमा झाल्याचे आढळून आले आहे. दीपक कोचर यांच्या न्यू पॉवर रिन्यूएबल्स प्रायव्हेट लिमिटेडच्या बँक खात्यात जमा झालेली रक्कम सुप्रीम एनर्जी प्रायव्हेट लिमिटेडद्वारे पाठवण्यात आली होती. ही ...

नवी दिल्लीः बिहार राज्यातील बोधगया येथील महाबोधी महाविहाराचे वादग्रस्त व्यवस्थापन बौद्धांकडे सोपवण्याचे निर्देश देण्यास सर्वोच्च न्यायालयाने सोमवारी (३० जून) स्पष्ट नकार दिला. परंतु याचिकाकर्त्यास पाटणा उच्च न्यायालयात दाद मागण्याचा पर्याय खुला असल्याचेही सर्वोच्च न्यायालयाने म्हटले आहे. नागपूरच्या सुलेखा कुंभारे यांनी सर्वोच्च न्यायालयात ही याचिका दाखल केली होती. महाबोधी महाविहाराचे व्यवस्थापन बौद्धांकडे सोपवण्याचे निर्देश देण्याची मागणी या याचिकेत करण्यात आली होती. न्या. एम.एम. सुंदरेश आणि न्या. के. विनोदचंद्रन यांच्या खंडपीठापुढे या याचिकेवर सोमवारी सुनावणी झाली. संविधानाच्या अनुच्छेद ३२ नुसार थेट सर्वोच्च न्यायालयासमोर दाखल करण्यात आलेल्या याचिकेवर विचार केला जाऊ शकत नाही, असे सांगत सर्वोच्च न्यायालयाने याचिकाकर्त्यास पाटणा उच्च न्यायालयात जाण्यास सांगितले. ‘ आम्ही हे कसे काय करू...

नवी दिल्लीः  भारताचा सर्वात महागडा साहित्यिक पुरस्कार ‘जेसीबी प्राइज फॉर लिटरेचर’ आता बंद करण्यात आला आहे. दरवर्षी दिल्या जाणाऱ्या या पुरस्कारात २५ लाख रुपये रोख रक्कम देण्यात येत होती. या पुरस्कारात २५ लाख रुपये रोख रक्कम तर मिळत होतीच परंतु हा पुरस्कार भारतीय भाषांतील अनुवादित साहित्याला राष्ट्रीय-आंतरराष्ट्रीयस्तरावर ओळख देणारा एक प्रभावी मंच होता. शेवटचा ‘जेसीबी प्राइज फॉर लिटरेचर’ हा पुरस्कार २०२४ मध्ये लेखक उपमन्यू चट्टोपाध्याय यांना त्यांच्या ‘लॉरेन्झो सर्चेस फॉर द मिनिंग ऑफ लाइफ’ या पुस्तकासाठी देण्यात आला होता. पुरस्कार बंद करण्यात आल्याच्या वृत्ताला जेसीबी पुरस्काराच्या लिटरेरी डायरेक्टर मीता कपूर यांनी २१ जून रोजी दुजोरा दिला. परंतु त्यांनी हा पुरस्कार बंद करण्याच्या निर्णयामागे नेमके काय कारण आहे, हे स्पष्ट करण्यास नकार दिला असल्याचे ‘इंडियन एक्सप्रेस’ने दिलेल्या वृत...