महाराष्ट्र

रत्नागिरीः  रत्नागिरी जिल्ह्यातील बारसू येथील रिफायनरीविरोधात स्थानिक ग्रामस्थांनी सुरू केलेले आंदोलन चिघळू लागले आहे. रिफायनरी सर्वेक्षणावरून आंदोलक आणि पोलिसांत आज जोरदार राडा झाला. सर्वेक्षणाला विरोध करणाऱ्या आंदोलकांवर पोलिसांना लाठीमार करत अश्रूधुराच्या नळकांड्या फोडल्या. सध्या बारसूमध्ये परिस्थिती तणावपूर्ण आहे. त्या पार्श्वभूमीवर तेथे तगडा पोलिस बंदोबस्त लावण्यात आला आहे. रिफायनरीसाठी सुरू असलेले सर्वेक्षण बंद पाडण्यासाठी आंदोलक सर्वेक्षणस्थळी पोहोचले. त्यांना तेथे तैनात असलेल्या पोलिसांनी अडवून मज्जाव केला. त्यामुळे आंदोलक आक्रमक झाले. आक्रमक आंदोलकांना पांगवण्यासाठी पोलिसांनी अश्रूधुराच्या नळकांड्या फोडल्या आणि आंदोलकांवर लाठीमारही केला. दरम्यान, शिवसेना ठाकरे गटाचे खासदार विनायक राऊत हे बारसू येथे आंदोलकांना भेटण्यासाठी जात असताना पोलिसांनी त्यांना प्रवेश नाकारला. पोलिसां...

मुंबई: महिला व बालविकास विभागामार्फत राबवण्यात येणाऱ्या बालसंगोपन योजनेच्या नावात बदल करून ‘क्रांतिज्योती सावित्रीबाई फुले बालसंगोपन योजना’ असे नामकरण करण्यात आले. या संदर्भातील शासन निर्णय जारी करण्यात आला असून त्यानुसार प्रत्येक जिल्ह्यात किमान १० बालसंगोपन संस्थांना नोंदणी प्रमाणपत्रे देण्यात येणार असून प्रत्येक संस्था जास्तीत जास्त २०० बालकांचे संगोपन करू शकणार आहे. महिला व बाल विकास विभागांतर्गत काळजी व संरक्षणाची गरज असलेल्या ६० हजारांहून जास्त बालकांना या योजनेचा लाभ मिळणार आहे. या योजनेसाठी यापूर्वी विभागाच्या असलेल्या वेगवेगळया मार्गदर्शक सूचनांमध्ये एकसूत्रता यावी यासाठी सर्वसमावेशक शासननिर्णय काढला असून या योजनेला ‘क्रांतिज्योती सावित्रीबाई फुले बालसंगोपन योजना’ असे नामकरण करण्यात आले आहे,  अशी माहिती महिला व बालविकास मंत्री मंगलप्रभात लोढा यांनी दिली. ० ते १८ वयोगटात...

पुणेः  इयत्ता बारावीच्या पुरवणी परीक्षेची आवेदनपत्रे ऑनलाईन पद्धतीने विलंब शुल्काने भरण्यास रविवारपर्यंत (१८ जून) मुदतवाढ देण्यात आली आहे. ही आवेदनपत्रे विद्यार्थ्यांनी त्यांच्या उच्च माध्यमिक‍ शाळा/ कनिष्ठ महाविद्यालयांमार्फतच भरावी, असे आवाहन शिक्षण मंडळाच्या सचिव अनुराधा ओक यांनी केले आहे. महाराष्ट्र राज्य माध्यमिक व उच्च माध्यमिक शिक्षण मंडळातर्फे उच्च माध्यमिक शाळा/ कनिष्ठ महाविद्यालयामार्फत पुनर्परीक्षार्थी, यापूर्वी नाव नोंदणी प्रमाणपत्र प्राप्त झालेले खाजगी विद्यार्थी, श्रेणी सुधार योजनेअंतर्गत व तुरळक विषय घेऊन प्रविष्ट होणारे विद्यार्थी तसेच आयटीआय विषय घेऊन प्रविष्ट होणारे विद्यार्थी यांना इयत्ता बारावीच्या परीक्षेची आवेदनपत्रे ऑनलाईन पद्धतीने विलंब शुल्काने भरण्यास रविवारपर्यंत मुदतवाढ देण्यात आली आहे. उच्च माध्यमिक शाळांनी/ कनिष्ठ महाविद्यालयांनी बँकेत चलनाद्वारे शु...

आळंदीः संतश्रेष्ठ ज्ञानेश्वर माऊलींच्या लाखीच्या आळंदीहून होणाऱ्या प्रस्थान सोहळ्यावेळी वारकरी आणि पोलिसांत झटापट झाली. पोलिसांनी वारकऱ्यांवर लाठ्या चालवल्या. पंढरपूरच्या वारीच्या इतिहासात आजपर्यंत वारकऱ्यांवर कधीही लाठीमार झालेला नाही. त्यामुळे या घटनेचे तीव्र पडसाद महाराष्ट्रभरातून उमटत असून संतप्त भावना व्यक्त केल्या जात आहेत. ज्ञानेश्वर माऊलींच्या पालखी प्रस्थानावेळी दर्शनासाठी मंदिरात प्रवेश करण्यावरून मंदिर परिसरात वारकरी आणि पोलिसांमध्ये झटापट झाली. वारकऱ्यांनी बॅरिकेड्स लोटून देऊन मंदिरात प्रवेश करण्याचा प्रयत्न केला. त्यांना अडवण्यासाठी पोलिस सरसावले. मात्र वारकरी पुढे निघाले. त्यामुळे पोलिस आणि वारकऱ्यांत वाद झाला. पोलिसांनी वारकऱ्यांना आक्रमकपणे अडवण्याचा प्रयत्न करत वारकऱ्यांवर लाठ्या उगारल्या. एवढेच नव्हे तर काही वारकऱ्यांवर लाठीमारही केला. त्यामुळे हजारोंच्या संख्येने असले...

मुंबई: महाराष्ट्र राज्य कौशल्य विद्यापीठांसोबत १२ उद्योग समूहांनी सामंजस्य करार केल्यामुळे कौशल्य पूर्ण शिक्षणाच्या माध्यमातून अधिकाधिक रोजगाराच्या संधी निर्माण होण्यास मदत होणार आहे. शैक्षणिक वर्ष २०२३- २४ पासून विद्यार्थ्यांना उत्तम दर्जाचे शिक्षण, ऑनजॉब ट्रेनिंग आणि इंटर्नशिप सुविधा उपलब्ध करून देण्यात येतील” अशी ग्वाही कौशल्य, रोजगार, उद्योजकता आणि नावीन्यता मंत्री मंगलप्रभात लोढा यांनी दिली. महाराष्ट्र राज्य कौशल्य विद्यापीठाचे विविध उद्योगसमूहांशी सामंजस्य करार मंत्री मंगलप्रभात लोढा यांच्या उपस्थितीत मंत्रालयातील दालनात आज झाले, त्यावेळी ते बोलत होते. उद्योजकता आणि नावीन्यता विद्यार्थ्यांमध्ये रुजवावी या मूळ उद्देशाने महाराष्ट्र राज्य कौशल्य विद्यापीठाची स्थापना केली असून, हे विद्यापीठ सातत्याने प्रगती करीत आहे. पाच कौशल्य प्रशाला, एकवीस नवीन अभ्यासक्रम सुरू केले आहेत. विद्याप...

औरंगाबादः  लैंगिक शोषणाला बळी पडलेल्या विद्यार्थीनीच्या फिर्यादीवरून बलात्काराचा गुन्हा दाखल होताच डॉ. बाबासाहेब आंबेडकर मराठवाडा विद्यापीठाच्या नाट्यशास्त्र विभागातील प्राध्यापक अशोक बंडगर हा त्याची पत्नी पल्लवी, दोन मुली आणि त्याच्या पाळीव कुत्र्यासह फरार झाला आहे. पोलिस त्याचा शोध घेत असून कुलगुरू डॉ. प्रमोद येवले यांनी अशोक बंडगरला निलंबित करण्याचे आदेश कुलसचिव डॉ. भगवान साखळे यांना दिले आहेत. त्यानंतर बंडगरला निलंबित करण्यात आले आहे. दरम्यान या प्रकरणातील अनेक नवनवीन पदर समोर येत असून कुलगुरू डॉ. येवले यांनी पीडित मुलीला धीर दिल्यामुळेच ती पोलिसांत जाऊन फिर्याद द्यायला तयार झाल्याची माहितीही समोर येत आहे. बुलढाणा जिल्ह्यातून औरंगाबादेत शिक्षणासाठी आलेल्या एका विद्यार्थीनीच्या असहायतेचा फायदा घेत आणि तिला आमिषे देत नाट्यशास्त्र विभागातील प्रा. डॉ. अशोक बंडगर याने तिच्यावर अमान...