देश

मुंबईः महाराष्ट्राच्या विधानसभा निवडणुकीच्या पार्श्वभूमीवर मतदान केंद्रावर मतदानाला जाताना सोबत मोबाईल फोन नेण्यावर निवडणूक आयोगाने बंदी घातली आहे. ही बंदी कोणत्याही अर्थाने बेकायदेशीर नाही, असे सांगत मुंबई उच्च न्यायालयाने निवडणूक आयोगाच्या निर्णयाला आव्हान देणारी याचिका फेटाळून लावली आहे. त्यामुळे मतदानाला जाताना मतदान केंद्रावर मोबाईल सोबत नेता येणार नाही, हे स्पष्ट झाले आहे. महाराष्ट्र विधानसभा निवडणुकीच्या पार्श्वभूमीवर मतदान केंद्रावर मोबाईल फोन सोबत नेण्यावर बंदी घालणारे परिपत्रक निवडणूक आयोगाने काढले आहे. निवडणूक आयोगाने नेमलेले पर्यवेक्षक आणि निवडणूक प्रक्रियेशी संबंधित अधिकृत अधिकारी व पोलिस अधिकारी वगळता अन्य कोणालाही मतदान केंद्राच्या शंभर मीटरच्या परिघात मोबाईलचा वापर करता येणार नाही, असे निवडणूक आयोगाने १४ जून २०२३ रोजी काढलेल्या परिपत्रकात म्हटले आहे. निवडणूक आयोगाचा ह...

मुंबईः गुरूनानक जयंतीनिमित्त ठाण्यातील गुरूद्वाऱ्यात गेलेले भाजपचे राष्ट्रीय अध्यक्ष जे. पी. नड्डा यांच्यामुळे किर्तनात व्यत्यय येऊन भाविकांचा खोळंबा झाल्यामुळे तेथील सेवेकरी त्यांच्यावर प्रचंड संतापले आणि त्यांनी नड्डांसह अन्य भाजप नेत्यांना बाहेर निघून जाण्यास सांगितले. त्यामुळे त्यांनी काढता पाय घेतला. ठाण्यातील तीनहात नाका परिसरात असलेल्या गुरूद्वारात ही घटना घडली. या घटनेचा व्हिडीओ समोर आला आहे. भाजपचे राष्ट्रीय अध्यक्ष जे. पी. नड्डा हे ठाण्याच्या दौऱ्यावर आहेत. गुरूनानक जयंती असल्यामुळे ते ठाण्यातील तीनहात नाका परिसरात असलेल्या गुरूद्वाऱ्यात पोहोचले. तेथे त्यांनी दर्शन घेतले. फोटो काढण्यासाठी उभे राहिले. गुरूनानक जयंती असल्यामुळे ते गुरूद्वाऱ्यात बरीच गर्दी होती. नड्डांसोबत भाजपचे नेते, पदाधिकारी असल्यामुळे गुरूद्वाऱ्यात सुरू असलेल्या किर्तनात व्यत्यय आला आणि भाविकांचा खोळंबा झाला...

मुंबईः ज्येष्ठ भाजप नेते आणि केंद्रीय रस्ते वाहतूक व महामार्ग मंत्री नितीन गडकरी यांनी भाजपची तुलना ‘रोग पडलेल्या पीका’शी केली असून पक्षाला शुद्ध करण्यासाठी ‘किटकनाशकांची फवारणी’ करणे गरजेचे असल्याचे म्हटले आहे. ‘मुंबई तक’शी बोलताना नितीन गडकरी यांनी भाजपमधील ‘दागी’ नेत्यांच्या वाढत्या घुसखोरीबाबत चिंता व्यक्त केली आहे. सत्ताधारी भाजपची सातत्याने महत्वपूर्ण गतीने वाढ होत असल्याचेही त्यांचे म्हणणे आहे. भाजपचा झपाट्याने होत असलेल्या विस्ताराचा उल्लेख करत नितीन गडकरी म्हणाले की, जसे जसे पीक वाढते, रोगही वाढत जातात. भाजपकडे खूप सारे पीक आहे, जे चांगले अन्नधान्य आणि आजारही घेऊन येते. त्यामुळे आम्हाला अशा रोगग्रस्त पीकांवर किटकनाशकांची फवारणी करणे गरजेचे आहे. भाजप हा कार्यकर्त्यांचा पक्ष आहे. नवीन लोक वेगवेगळ्या कारणांनी पक्षात येत आहेत. त्यांना प्रशिक्षण देणे, विचारसरणी शिकवणे आणि आपला...

मुंबईः BHIM  या भारताच्या डिजिटल चलनाच्या UPI चे नाव डॉ. बाबासाहेब आंबेडकर यांच्या नावावरून ठेवल्याचा दावा प्रधानमंत्री नरेंद्र मोदी यांनी शनिवारी अकोला येथील प्रचारसभेत केला होता. मोदींचा हा दावा शिवसेनेच्या ठाकरे गटाने पुरावा देत खोडून काढला आहे. BHIM UPI  च्या अधिकृत संकेतस्थळावर या नावाचा आणि डॉ. बाबासाहेब आंबेडकर यांच्या नावाचा काही संबंध असल्याचे कुठेही सांगितलेले नाही, असे म्हणत विधान परिषदेचे विरोधी पक्षनेते अंबादास दानवे यांनी मोदींच्या या खोट्या बतावणीला दलित बांधव भुलणार नाहीत, असे म्हटले आहे. चलनामध्ये सातत्याने बदल होत गेले. आज जगभरात डिजिटल चलन व्यवस्था आहे. आपल्या देशाने यूपीआय (Unified Payments Interface)  या डिजिटल चलन व्यवस्थेचा अवलंब केला. यूपीआय हा डिजिटल चलन व्यवस्थेतील एक प्रकार आहे. याद्वारे आपण सर्वजण मोबाईलद्वारे पैशांची देवाण-घेवाण करू लागलो आहोत...

नागपूरः संविधानाने समाजातील मागास घटकांना आरक्षण दिले, परंतु  पाच टक्के लोकच देशाची सूत्रे आपल्या हाती ठेवून आहेत. डॉ. बाबासाहेब आंबेडकरांनी संविधानाच्या माध्यमातून सर्वसामान्य लोकांना मताचा अधिकार दिला. त्यामाध्यमातून तो दिल्लीतील सत्ता बदवू शकतो, असे काँग्रेस नेते राहुल गांधी म्हणाले. राज्यात विधानसभा निवडणुकीची रणधुमाळी सुरू असतानाच नागपुरात आज संविधान सन्मान संमेलन आयोजित करण्यात आले होते. या संमेलनात राहुल गांधी यांनी केलेले भाषण राजकीयदृष्ट्या महत्वाचे मानले जात आहे. देशात संविधान नसते तर लोकशाही नसती. निवडणूक आयोगच नसता. स्वातंत्र्यपूर्व काळात देशात अनेक राजे होते. त्यांच्या राज्यात लोकशाही नव्हती. तेथे निवडणुकाही घेतल्या जात नव्हत्या. बाबासाहेब आंबेडकरांनी संविधानाच्या माध्यमातून सर्व सामान्य लोकांना मताचा अधिकार दिला. त्यामाध्यमातून तो दिल्लीतील सत्ता बदलवू शकतो. हे संव...

श्रीनगरः  सहा वर्षांनंतर अस्तित्वात आलेल्या जम्मू-काश्मीर विधानसभेच्या पहिल्याच अधिवेशनात सोमवारी जोरदार हंगामा झाला. पीपल्स डेमॉक्रेटिक पार्टीचे (पीडीपी) आमदार वहीद पारा यांना कलम ३७० रद्द करण्याच्या निर्णयाला विरोध करत एक ठराव दाखल केला आणि जम्मू-काश्मीरसाठी तयार करण्यात आलेले हे विशेष कलम पुन्हा लागू करण्याची मागणी केली. पुलवामा विधानसभा मतदारसंघाचे आमदार असलेल्या वहीद पारा यांनी नवनिर्वाचित विधानसभा अध्यक्ष अब्दुल रहीम राठर यांच्याकडे हा ठराव दिला आणि विधानसभेच्या कामकाजाचा भाग नसतानासुद्धा पाच दिवसीय अधिवेशनात या मुद्द्यावर चर्चा घेण्याची विनंती केली. ‘सभागृहाच्या कामकाजाच्या कार्यक्रम पत्रिकेला अंतिम स्वरुप देण्यात आले असले तरी अध्यक्ष म्हणून तुम्हाला असलेले अधिकार हा ठराव कामकाजात समाविष्ट करून घेण्याची परवानगी देते. कारण हा ठराव मोठ्या प्रमाणातील जनतेच्या भावनांचे प्रतिब...