२०२६ मध्ये २४ दिवसांच्या सार्वजनिक सुट्ट्या जाहीर, भाऊबीजेच्या दिवशी अतिरिक्त सुट्टी; वाचा संपूर्ण यादी -

मुंबईः महाराष्ट्र सरकारने २०२६ या वर्षासाठी राज्यातील सर्व शासकीय कार्यालयांसाठी २४ सार्वजनिक सुट्ट्या जाहिर केल्या आहेत. याशिवाय भाऊबीजेच्या दिवशी (११ नोव्हेंबर २०२६, बुधवार) यादिवशी अतिरिक्त सार्वजनिक सुट्टी जाहीर केली आहे. सामान्य प्रशासन विभागाने या संदर्भातील अधिसूचना जारी केली आहे.

जाहीर केलेल्या सुट्ट्यांमध्ये प्रमुख सण आणि राष्ट्रीय दिवसांचा समावेश आहे. या सुट्या महाराष्ट्रातील सर्व शासकीय कार्यालये, राज्य शासनाचे उपक्रम, महानगरपालिका, नगरपरिषद, नगरपंचायत, जिल्हा परिषद, पंचायत समित्या आणि ग्रामपंचायती यांना लागू राहील.

याशिवाय १ एप्रिल २०२६ (बुधवार) हा दिवस केवळ बँकांसाठी वार्षिक लेखापरीक्षणासाठी सुट्टी म्हणून जाहीर करण्यात आला आहे. विशेष म्हणजे महाशिवरात्री, लक्ष्मीपूजनाची सार्वजनिक सुट्टी रविवारी आली आहे तर महाराष्ट्र दिन व बुद्ध पोर्णिमा, स्वातंत्र्य दिन व पारशी नववर्ष दिन या सार्वजनिक सुट्ट्या एकाच दिवशी आल्या आहेत.