रेडीरेकनर दरात दोन वर्षांनी मोठी वाढ, मालमत्ता खरेदी करणाऱ्यांना बसणार फटका; वाचा तुमच्या शहरातील रेडीरेकनर दरात किती टक्के वाढ?

मुंबईः  आर्थिक वर्ष संपताच महाराष्ट्र सरकारने २०२५-२६ या आर्थिक वर्षासाठी रेडीरेकनर दरात मोठी वाढ केली आहे. हे नवे रेडीरेकनर दर १ एप्रिलपासून लागू होतील. मुंबई वगळता महानगरपालिका क्षेत्रातील रेडीरेकनर दरात ५.९५ टक्के तर ग्रामीण भागातील रेडीरेकनर दरात ३.३६ टक्के वाढ करण्यात आली आहे. रेडीरेकनर दरातील या वाढीचा फटका मालमत्ता खरेदी करणाऱ्यांना बसणार आहे.

राज्य सरकारने नगर परिषद आणि नगर पंचायत क्षेत्रात ४.९७ टक्के, प्रभाव क्षेत्रात ३.२९ टक्के तर बृहन्मुंबई महानगरपालिका क्षेत्रात सरासरी ३.३९ टक्के इतके रेडीरेकनर दर वाढवले आहेत. रेडीरेकन दरात केलेली राज्यातील ही वाढ (मुंबई वगळता) सरासरी ४.९३ टक्के आहे. तर राज्यातील एकूण रेडीरेकन दरातील वाढ ३.८९ टक्के आहे.

राज्य सरकारने सन २०१७-१८ मध्ये रेडीरेकनर दर निर्धारित केले होते. त्यानंतर सन २०१८-१९ आणि २०१९-२० मध्ये मालमत्ता क्षेत्रातील मंदीचा विचार करून या रेडीरेकनर दरात कोणतीही वाढ न करता २०१७-१८ मध्ये निर्धारित केलेले रेडीरेकनर दरच कायम ठेवण्यात आले होते.

देशात आलेल्या कोरोनाच्या संकटाचा विचार करून रेडीरेकनर दरात कमी प्रमाणात वाढ करण्यात आली होती. मात्र २०२२-२३ मध्ये रेडीरेकन दर वाढवण्यात आले होते. यावर्षी निर्धारित केलेले रेडीरेकनर दरच २०२४-२५ साठी कायम ठेवण्यात आले होते. आता दोन वर्षांनी रेडीरेकनर दरात वाढ करण्यात आली आहे.

तुमच्या शहरातील रेडीरेकनर दर किती?

संबंधित बातम्या

डीपीयूच्या बोगस एमफिलवरच ‘पेट’ला कट मारून आस्मा व मकसूद खानने मिळवला डॉ. बाबासाहेब आंबेडकर मराठवाडा विदयापीठात पीएचडीला प्रवेश!

शेतकऱ्यांच्या खात्यात उद्यापर्यंतच जमा होणार ‘नमो शेतकरी महासन्मान निधी योजने’चा सहावा हप्ता!

ज्येष्ठ पत्रकार निरंजन टकले विद्रोही साहित्य संमेलनात म्हणाले होते: इच्छा असूनही मी ‘मोदी इज ऍशहोल’ म्हणू शकत नाही, महिनाभरानंतर गुन्हा दाखल

बोगस एमफिल पदवीच्या आधारे पीएचडीला प्रवेश मिळवल्याप्रकरणी ‘कोहिनूर’च्या सचिव आस्मा खान गजाआड; रमजान ईद पोलिस कोठडीतच!