मुंबईः साठाव्या महाराष्ट्र राज्य मराठी चित्रपट पुरस्काराच्या अंतिम फेरीसाठी अनन्या, पाँडिचेरी, सनी, धर्मवीर मुक्काम पोस्ट ठाणे, ४ ब्लाईंड मेन, समायरा, गाभ, ह्या गोष्टीला नावच नाही, ग्लोबल आडगाव, हर हर महादेव या दहा चित्रपटांना अंतिम फेरीत नामांकन प्राप्त झाली आहेत. ही नामांकने सन २०२२ या वर्षासाठी आहेत.
उत्कृष्ट बालकलाकार म्हणून श्रीनिवास पोकळे (छुमंतर) व अर्णव देशपांडे (आम्ही बटरफ्लाय) यांना पुरस्कार जाहीर करण्यात आला आहे. त्याचबरोबर उत्कृष्ट कला दिग्दर्शन महेश कुंडलकर (उनाड), उत्कृष्ट छाया लेखन अभिजीत चौधरी (फोर ब्लाइंड मेन) ओंकार बर्वे (ह्या गोष्टीला नावच नाही) उत्कृष्ट संकलन यश सुर्वे (काटा किर्र), उत्कृष्ट ध्वनिमुद्रण सुहास राणे (ह्या गोष्टीला नावच नाही), उत्कृष्ट ध्वनी संयोजन लोचन प्रताप कानविंदे (हर हर महादेव), उत्कृष्ट वेशभूषा उज्वला सिंग (ताठ कणा), उत्कृष्ट रंगभूषा सुमित जाधव (ताठ कणा), यांना तांत्रिक विभागातील नामांकने जाहीर झाले आहेत.
पुरस्काराच्या प्राथमिक फेरीसाठी १ जानेवारी ते ३१ डिसेंबर २०२२ या वर्षात सेन्सॉर झालेल्या एकूण ५० प्रवेशिका प्राप्त झाल्या होत्या. या चित्रपटांचे परीक्षण मुग्धा गोडबोले, विवेक लागू, बाबासाहेब सौदागर, विजय भोपे, श्रीरंग आरस, राजा फडतरे, शरद सावंत, मेधा घाडगे, चैत्राली डोंगरे, विनोद गणात्रा, प्रकाश जाधव, शर्वरी पिल्लेई, जफर सुलतान, देवदत्त राऊत, विद्यासागर अध्यापक यांनी केले होते.
श्रेणीनिहाय नामांकने पुढीलप्रमाणे
सर्वोत्कृष्ट कथा
- अनिल कुमार साळवे (ग्लोबल आडगाव)
- पूर्वल धोत्रे (४ ब्लाईंड मेन)
- सुमित तांबे (समायरा)
उत्कृष्ट पटकथा
- इरावती कर्णिक (सनी)
- पूर्वल धोत्रे-अभिषेक मेरुरकर (४ ब्लाईंड मेन)
- तेजस मोडक-सचिन कुंडलकर (पाँडिचेरी)
उत्कृष्ट संवाद
- प्रवीण तरडे (धर्मवीर मुक्काम पोस्ट ठाणे)
- मकरंद माने (सोयरिक)
- सचिन मुल्लेमवार (टेरिटरी)
उत्कृष्ट गीते
- प्रशांत मडपूवार (ग्लोबल आडगाव/गाणे-एल्गार होऊ दे)
- अभिषेक रवणकर (अनन्या/गाणे-ढगा आड या)
- प्रकाश (बाबा) चव्हाण (फतवा/गाणे-अलगद मन हे)
उत्कृष्ट संगीत
- हितेश मोडक (हर हर महादेव)
- निहार शेंबेकर (समायरा)
- विजय गवंडे (सोंग्या)
उत्कृष्ट पार्श्वसंगीत
- अविनाश विश्वजीत (धर्मवीर मुक्काम पोस्ट ठाणे)
- हनी सातमकर (आतूर)
- सौमिल सिध्दार्थ (सनी)
उत्कृष्ट पार्श्वगायक
- मनीष राजगिरे (धर्मवीर मुक्काम पोस्ट ठाणे/गीत-भेटला विठ्ठल माझा)
- पद्मनाभ गायकवाड (गुल्ह/गीत-का रे जीव जळला)
- अजय गोगावले (चंद्रमुखी/गीत-घे तुझ्यात सावलीत)
उत्कृष्ट पार्श्वगायिका
- जुईली जोगळेकर (समायारा/गीत-सुंदर ते ध्यान)
- आर्या आंबेकर (चंद्रमुखी/गीत-बाई गं कसं करमत नाही)
- अमिता घुगरी (सोयरिक/गीत-तुला काय सांगू कैना)
उत्कृष्ट नृत्य दिग्दर्शक
- राहूल ठोंबरे-संजीव होवाळदार (टाईमपास३ / गीत-कोल्ड्रिंक वाटते गार, वाघाची डरकाळी)
- उमेश जाधव (धर्मवीर मुक्काम पोस्ट ठाणे/गीत-आई जगदंबे)
- सुजीत कुमार (सनी/ गीत-मी नाचणार भाई)
उत्कृष्ट अभिनेता
- प्रसाद ओक (धर्मवीर मुक्काम पोस्ट ठाणे)
- वैभव तत्ववादी (पॉन्डीचेरी)
- ललित प्रभाकर (सनी)
उत्कष्ट अभिनेत्री
- सई ताम्हाणकर (पॉन्डीचेरी)
- अमृता खानविलकर(चंद्रमुखी)
- सोनाली कुलकर्णी (तमाशा लाईव्ह)
उत्कृष्ट विनोदी अभिनेता
- मकरंद अनासपुरे (वऱ्हाडी वाजंत्री)
- संजय नार्वेकर (टाईमपास)
- भरत गणेशपुरे (पिल्लू बॅचलर)
उत्कृष्ट सहाय्यक अभिनेता
- योगेश सोमण (अनन्या)
- किशोर कदम (टेरीटरी)
- सुबोध भावे (हर हर महादेव)
उत्कष्ट सहाय्यक अभिनेत्री
- स्नेहल तरडे (धर्मवीर मुक्काम पोस्ट ठाणे)
- क्षिती जोग (सनी)
- मृण्मयी देशपांडे (चंद्रमुखी)
उत्कृष्ट प्रथम पदार्पण अभिनेता
- अकुंर राठी (समायरा)
- रोनक लांडगे (ग्लोबल आडगाव)
- जयदीप कोडोलीकर (हया गोष्टीला नावच नाही)
उत्कृष्ट प्रथम पदार्पण अभिनेत्री
- ऋता दुर्गुळे (अनन्या)
- सायली बांदकर (गाभ)
- मानसी भवालकर (सोयरिक)
उत्कृष्ट प्रथम पदार्पण चित्रपट निर्मिती
- आतूर
- गुल्हर
- ह्या गोष्टीला नावच नाही
उत्कृष्ट प्रथम पदार्पण दिग्दर्शन
- 4 ब्लाइंड मेन
- गाभ
- अनन्या
यंदापासून आंतरराष्ट्रीय दर्जाचा मराठी चित्रपट महोत्सव
मराठी चित्रपट क्षेत्राला बळ देण्यासाठी यावर्षीपासून राज्य शासन आंतरराष्ट्रीय दर्जाच्या मराठी चित्रपट महोत्सवाचे आयोजन करणार असल्याची घोषणा सांस्कृतिक मंत्री अ‍ॅड.आशिष शेलार यांनी पत्रकार परिषदेत केली ही नामांकने जाहीर करताना शेलार यांनी ही घोषणा केली.
मागील ६० वर्षापासून राज्य मराठी चित्रपट पुरस्कार सोहळा आयोजित करण्यात येतो. राज्यात विविध ठिकाणी विविध संस्थांच्या मार्फत आंतरराष्ट्रीय चित्रपटांचे आयोजन केले जाते. अशा संस्थांना १० लाखापासून ४ कोटीपर्यंत शासन अर्थसहाय्य करते. यावर्षीपासून मराठी चित्रपट महोत्सवाचे आयोजन करण्याची संकल्पना सांस्कृतिक मंत्री अ‍ॅड.आशिष शेलार यांनी मांडली, त्याला आता मूर्त स्वरूप आले आहे. यावर्षीचा हा पहिला चित्रपट महोत्सव मुंबईत होणार असून तीन दिवसांचा हा महोत्सव असेल. जे मराठी चित्रपट प्रेक्षकांपर्यंत पोहचत नाहीत असे चित्रपट या महोत्सवात दाखविण्यात येतील.
प्रत्येक चित्रपटासोबत त्या चित्रपटाची टीम उपस्थित असेल जी थेट दर्शकांशी संवाद साधेल, या निमित्त काही विशेष परिसंवाद व या विषयातील अभ्यासकांच्या मुलाखती अशा आंतरराष्ट्रीय मानकांच्या स्वरूपात राज्याचा मराठी चित्रपट महोत्सव आयोजित केला जाणार आहे. याबाबतच्या तारखा व नियमावली लवकरच जाहीर करण्यात येतील. या महोत्सवात दर्जेदार मराठी चित्रपटांचा आस्वाद घेण्याची संधी चित्रपट रसिकांना मिळणार आहे. याबाबतची अंमलबजावणी महाराष्ट्र चित्रपट, रंगभूमी आणि सांस्कृतिक विकास महामंडळामार्फत करण्यात येणार आहे.
